ОЮУТНЫ ЭРДЭМ ШИНЖИЛГЭЭНИЙ БАГА ХУРАЛ БОЛОВ

Өнгөрсөн хагас сайн өдөр буюу 5 дугаар сарын 11-нд Баян-Өлгий аймгийн уугуул иргэдийн үүсгэн байгуулж, үйл ажиллагаа явууж буй Төрийн бус байгууллагууд хамтран “Баян-Өлгий аймгийн ирээдүйн хөгжил – бидний оролцоо” сэдэвт оюутны эрдэм шинжилгээний бага хурал зохион байгууллаа.

Наурыз айсуй

Казахын уламжлалт баяр наурыз гуравдугаар сарын 22-ны өдөр тохионо. Наурыз буюу хаврын баярыг тохиолдуулан маргааш Баян-Өлгийчүүд Сүхбаатарын талбайд баярын өдөрлөг хийхээр болжээ.

Зургийн цомог [ Сөнхөл баг ]

Булган сумын анхны багуудын нэг нь Сөнхөл баг юм. Тус баг нь Ховд аймгийн Мөнххайрхан, Булган, Үенч сумтай тус тус хиллэдэг. Дотроо Сөнхөл, Улаанхус гэсэн хоёр хэсэгт хуваагддаг. Байгалийн үзэсгэлэн бүрдсэн нутагтай. Доор тус багийн үзэсгэлэнт байгалийн зургаас орууллаа.

Булган гол

Булган гол нь Баян-Өлгий аймгийн Булган, Ховд аймгийн Булган сумдын нутгийн дундуур урсаж улмаар улсын хил даван Оронго голд цутгадаг. Төв Азийн гадагш урсгалгүй ай савд багтах гол юм. Булган голд амьдардаг үнэт арьстай ховор амьтан болох минжийг хамгаалах зорилгоор анх 1965 онд анх дархан цаазат газрын ангиллаар хамгаалалтанд авсан байна. Булган голын дархан газар нь зөвхөн минжийг хамгаалах, өсгөн үржүүлэх зорилготой учраас 1995 онд УИХ-ын тогтоолоор тусгай хамгаалалттай газар нутгийн хуулийн дагуу өөрчилж, ховордсон амьтныг хамгаалах зорилго бүхий биологийн нөөц газар болгосон байна.

Булган сумын танилцуулга.

Булган сум анх 1938 онд 8- р сарын-08 өдөр улсын бага хурлын тэргүүлэгчид СНЗ 50-р шийдвэрээр, Ховд аймгийн харьяанд Хужирт сум нэртэйгээр анх Сайхан гэдэг газарт байгуулагдаж байжээ. Нийт 8 багтай 6000 гаруй хүн амтай Урианхай, казах гэсэн үндэстэн, ястанууд амьдардаг. Булган сум Монгол алтайн уулын бүсэд баруун талаас хятад улс, хойт талаасаа Баян-Өлгий аймгийн Дэлүүн сум, зүүн өмнөд талаас Ховд аймгийн Мөнххайрхан, Булган сумтай тус тус хиллэдэг.

Улаан бурхан өвчний нэмэлт дархлаажуулалтын явцад урьдчилан сэргийлэх хяналт шалгалт хийлээ

МХЕГ, Аймгийн засаг дарга болон АМХГ-ын даргын өгсөн үүрэг даалгаврын мөрөөр газрын даргын баталсан 04-03-022/200 тоот удирдамжаар 2015 оны 05-р сарын 19-28-ны  өдрүүдэд ЭМГазрын дархлаажуулалтын кабинет, 4 өрхийн эрүүл мэндийн төвүүдэд Улаан бурхан өвчний эсрэг нэмэлт дархлаажуулалтын бэлэн байдал, зохион байгуулалт,  дархлаажуулалтын явц, 2 дахь шатны вакцинжуулалтанд 6 сараас 5 нас 11 сартай хүүхдүүд бүрэн хамрагдаж байгаа эсэх, халдварт өвчний тархалтыг бууруулах, урьдчилан сэргийлэх чиглэлээр хийж буй ажилд Эрүүл ахуй, халдвар хамгааллын хяналтын улсын байцаагч С.Арман, Эмнэлгийн тусламж үйлчилгээний чанар, аюулгүй байдлын хяналтын улсын байцаагч О.Лхагважав, Эм биобэлдмэлийн чанарын хяналтын улсын байцаагч М.Ботакөз нар урьдчилан сэргийлэх төлөвлөгөөт бус хяналт шалгалт хийлээ.
2015.03.18-наас Улаанбаатар хот, зарим аймгуудад Улаан бурхан өвчний дэгдэлт гарч лабораторийн шинжилгээгээр онош батлагдсантай холбогдуулан ДЭМБ, НҮБ-ын төслөөр ЭМСЯамнаас 2015 оны 05-р сарын 6-7-ны өдрүүдэд ЭМГ-ын НЭМ-ийн хэлтсийн дарга, ДХМ, дархлаажуулалтын бага эмч нарыг сургагч багшаар бэлтгэж, улмаар аймгийн ЭМГазраас 2015 оны 05-р сарын 12-13-ны өдрүүдэд сум, тосгоны эрүүл мэндийн төв, сум дундын эмнэлэг, ӨЭМТ-ийн дарга, эрхлэгч, вакцинатор нарыг “ Улаан бурханы эсрэг нэмэлт дархлаажуулалтын сургалт”-ыг зохион байгуулсан байна. 2015 оны 05-р сарын 13-ны өдөр “Дархлаажуулалтын 10 хоног зохион байгуулах” тухай  Аймгийн Засаг даргын А/283 тоот захирамж гарсан. 2015 оны 05-р сарын 15-ны өдөр аймгийн хэмжээнд Дархлаажуулалтын 10 хоногийн нээлтийн үйл ажиллагааг орон нутгийн хэвлэл мэдээллийн хэрэгслээр сурталчилсан байна.
         Дархлаажуулалтын хамралт: Улаан бурхан өвчний нэмэлт дархлаажуулалтыг 2015 оны 05-р сарын 15-25-ны хооронд аймгийн төвийн өрхийн эрүүл мэндийн төв, цэцэрлэгүүдэд, сумын төвд сумын эмнэлэг, эрүүл мэндийн төв цэцэрлэгүүдэд, багуудад байнгын, түр, явууллын цэг ажиллуулан хамааруулсан байна.
Өдөр бүр ЭМГ-ын дархлаажуулалт хариуцсан мэргэжилтнээс хамралтын мэдээг авч ажилласан ба 2015 оны 05-р сарын 27-ны байдлаар: Аймгийн хэмжээнд 94%, аймгийн төвд 88,3%, сумдын хэмжээнд 96,6%, багийн хэмжээнд 94,5%-тай ба дархлаажуулалтын ажиллагаа үргэлжилж байна.
Одоогоор аймгийн хэмжээнд хүүхдээ вакцинд хамааруулахаас татгалзсан 24 эцэг эх байна. Дархлаажуулалтын дараах урвал, хүндрэл бүртгэгдээгүй байна. ЭМГ-аас өдөр бүр орон нутгийн хэвлэл мэдээллийн хэрэгслээр дархлаажуулалтын талаар, улаан бурхан өвчнөөс урьдчилан сэргийлэх арга хэмжээний талаар байнгын сэрэмжлүүлэг, сурталчилгаа хангалттай хийгдэж байна. Дархлаажуулалтын явцын үйл ажиллагаатай холбоотой ноцтой зөрчил илрээгүй.

Улаанбурхан өвчний сэжигтэй тохиолдлын талаар: 2015 оны 05-р сарын 25-ны өдөр  тус аймагт Улаан бурхан өвчний сэжигтэй 2 тохиолдол бүртгэгдсэн.
  1. С.Н 1 настай, эрэгтэй, Өлгий сумын 4-р багт оршдог, Улаан бурхан өвчний шинж тэмдэг илэрч, хөнгөн хэлбэртэй, томуугийн шинж тэмдэг давамгай илэрсэн, гэрт нь тусгаарлаж эмчилгээнд хамааруулсан. 9 сартайд УГУ-ын 1-р тунд хамрагдсан, ЭМГ-аас хийсэн тандалт судалгаагаар хавьтал тодорхойгүй байна.
  2. Х.Л 20 настай, эмэгтэй, ХААИС-ийн 2-р курсын оюутан, 2015 оны 05-р сарын 24-ний өдөр УБ хотоос онгоцоор ирсэн, долоо хоногийн өмнө томуугаар өвдсөн, Улаан бурханаар өвчилсөн оюутнуудтай хавьталтай байсан. 2015 оны 05-р сарын 25-ны өдөр Нэгдсэн эмнэлгийн халдвартын тасагт хэвтүүлсэн. Одоогийн байдлаар биеийн байдал хүндэвтэр, гүвдрүүт тууралттай, 2015 оны 05-р сарын 28-ны өдөр сорьц авч ХӨСҮТ-д илгээсэн. Эмчилгээ хийгдэж байна. ЭМГ-аас 2015 оны 05-р сарын 24-ний өдрийн онгоцоор ирсэн бүх зорчигчдыг тандалт судалгаанд хамааруулж, өвчний ямар нэгэн шинж тэмдэг илэрвэл харьяа өрхийн эрүүл мэндийн төвүүдэд хандахыг зөвлөсөн байна.
АМХГ-аас МХЕГ-ын ЭМБСХГ-ын Эрүүл мэндийн хяналтын хэлтэст цахимаар 2 удаа мэдээ, шалгалтын дүнг хүргүүлэв.
Баян-Өлгий аймгийн МХГазар
- See more at: http://bayan-olgii.gov.mn/pages/3718#sthash.91pucJik.dpuf

ШИНЭ ЖИЛ - 2014

 Улаанбаатар хотод ажиллаж амьдарч буй Баян-Өлгийчүүдийг  “ШИНЭ ЖИЛ - 2014”  үдэшлэгт хүрэлцэн ирэхийг урьж байна.
 Хаана: Энхтайваны гүүрний баруун доод талд "Наран плаза" төвийн 5-н давхарт "Тай Експресс" ресторанд
Хэзээ: 2013 оны 12 дугаар сар 28 өдөр 17.30 цагт
Зохион байгуулагч: Баян-Өлгий аймгийн Нутгийн зөвлөл, "Рысжан" ХХК
Холбоо барих: 99100272, 99087507, 99073144, 99037262
Цахим хуудас: www.bayanulgii.mn
Цахим шуудан: info@bayanulgii.mn 
TAX: 69,000


ОЮУТАН ЗАЛУУЧУУДЫН ДУНД САГСАН БӨМБӨГИЙН АВАРГА ШАЛГАРУУЛАХ ТЭМЦЭЭН ЗОХИОН БАЙГУУЛЛАА


Сүүлийн жилүүдэд Баян-Өлгийчүүдийн спортын амжилт гаргах нь буурч байгаа учраас Улаанбаатар хот дахь Баян-Өлгий аймгийн Нутгийн зөвлөл, тус аймгийн Оюутны холбоотой хамтран оюутан, залуусыг спортоор хичээллэхийг уриалж Улаанбаатар хотод их, дээд сургуульд суралцаж байгаа оюутан, залуучуудын дунд сагсан бөмбөгийн аварга шалгаруулах тэмцээн зохион байгуулсан байна. Багийн спорт тэр дотроо сагсан бөмбөгийн төрлөөр улсын хэмжээнд доогуур үзүүлэлттэй байдаг тус аймгийн хувьд цаашид суралцах шаардлагатай спорт бөгөөд энэ нь багийн спортын амжилтыг ахиулахад чухал ач холбогдолтой юм.
Тус тэмцээнд Улсын Их Хурлын гишүүн, Төрийн байгуулалтын байнгын хорооны дарга, Улаанбаатар хот дахь Баян-Өлгий аймгийн Нутгийн зөвлөлийн тэргүүн А.Бакей оролцож оюутнуудад спортын болон сурлагын өндөр амжилт хүсэж, мэндчилгээ дэвшүүллээ.
Уг тэмцээнд Баян-Өлгий аймгийн оюутнууд сум болон тухайн суралцаж буй сургуулийнхаа нэрийн өмнөөс баг болж оролцсоноос гадна Ховд аймгийн Жаргалант сум, Налайх дүүргүүдээс тус тус багууд оролцож тоглосон болно. Нийт 40 баг оролцож тоглосноос тэмцээний эхний байранд шалгарсан багуудын талаарх мэдээллийг доорх байдлаар харууллаа.   
Эрэгтэй
          1 дүгээр байр Налайх
          2 дугаар байр Батлан хамгаалах их сургууль
          3 дугаар байр Монгол улсын боловсролын их сургууль
Эмэгтэй
          1 дүгээр байр Налайх
          2 дугаар байр Монгол улсын боловсролын их сургууль
          3 дугаар байр Толбо сум зэрэг багууд амжилттай оролцож, эхний 3 байрыг эзэлж, 1-р байр, Цом, алтан медаль, Өргөмжлөл, 150.000 төг2-р байр, Мөнгөн медаль, Өргөмжлөл, 100.000 төг3-р байр, Хүрэл медаль, Өргөмжлөл, 50.000 төгрөгөөр тус тус шагнууллаа.  
Энэхүү спортын арга хэмжээг энэ жилээс эхлэн жил бүр уламжлал болгон зохион байгуулж, спортын төрөл зүйлүүдийг нэмэгдүүлэх талаар зохион байгуулагчид онцолж байна.  



Баян-Өлгий аймгийн наадамд Б.Серик түрүүлж аймгийн арслан боллоо

 














Баян-Өлгий аймгийн баяр наадмын үндэсний бөхийн барилдаанд тус аймгийн Улаанхус сумын харъяат, аймгийн заан Хүчит 256 бөх эр бяр авхаалж самбаагаа сорин барилдсанаас Улаанхус сумын харьяат өнгөрсөн жилийн үндэсний бөхийн өсвөр үеийн улсын аварга, сумо бөхийн дэлхийн аварга, жүдо барилдааны өсвөр үеийн улсын аварга аймгийн заан Б.Серик найм даван түрүүлж аймгийн арслан цолонд хүрлээ. Цэнгэл сумын харъяат, аймгийн начин М.Аманбек долоо даван үзүүрлэж, аймгийн заан цол хүртлээ. 

(Хийморь) Харин 2011 оны Өлгийн наадмын түрүү бөх М.Еркебулан их шөвөгт шалгарч чимэг нэмсэн бол, 2012-2013 оны улирлалд сумын заануудын барилдаанд хоёр удаа түрүүлсэн Булган сумын харьяат Баянжаргалын Төмөрбаатар зургаа даван аймгийн харцага цолонд хүрэв.


Цэнгэл сумын харьяат Улагпаний Береке, Ногооннуур сумын харьяат Дөрветханы Бейбит, Дэлүүн сумын харьяат Телекийн Ерболат, Баяннуур сумын харьяат Өнөрханы Жанболат нар нутгийн наадамдаа тав даван шөвгөрч аймгийн начин цолны босго алхлаа. Энэ жилийн Ховд аймгийн Эрдэнэбүрэн сумын түрүү бөх М.Өзгерис, нэрт арслан Хажымуханы хүү Шонхор дээд сургуулийн төгсөгч Ыхылас нар энэ удаа начны даваанд гараад унаж дараагийн наадмыг хүлээх болжээ. Харин дээгүүр цолонд хүрнэ хэмээгдэж байсан Нурланы Мустафа тавын даваанд үзүүр бөхтэй тунаж унав.

Тавын даваа

1. Ш.Мурат а.а - Д.Бейбит с.з
2. Б.Баатарцол а.а - Б.Төмөрбаатар с.з
3. Х.Айдос а.а - У.Береке с.з
4. М.Еркебулан а.а - М.Өзгэрис с.з
5.Б.Серик а.з - Х.Ыхлас с.з
6. Б.Бегжан а.х - О.Жанболат с.з
7. С.Бат-Үүл а.н - Т.Эрболат с.з
8. М.Аманбек а.н - Н.Мустафа а.н тунав

Зургаагийн даваа

1. М.Еркебулан а.а - Т.Эрболат с.з
2. Б.Серик а.з - Д.Бейбит с.з
3. М.Аманбек а.н - О.Жанболат с.з
4. Б.Төмөрбаатар с.з - У.Береке с.з тунав


Долоогийн даваа     

1. М.Еребулан а.а – М.Аманбек а.н
2. Б.Серик а.з– Б.Төмөрбаатар с.з тунав

Наймын даваа

1.      Б.Серик а.з– М.Аманбек а.н

Баян-Өлгий аймгийн наадам есдүгээр сарын 7-8 өдрүүдэд болно

Аймгийн Засаг даргын Зөвлөлийн ээлжит хурал 08 сарын 19 –нд хуралдлаа.
Улсын болон орон нутгийн төсвийн хөрөнгө оруулалтаар орон нутагт хийгдэж буй ажлуудын явц, өвөлжилтийн бэлтгэл ажил болон цаг үеийн тулгамдсан асуудлууд хэлэлцэгдсэн юм.
Баян-Өлгийн аймгийн таван суманд малын шүлхий өвчин гарсны улмаас хөл хорио тогтоож аймгийн наадмаа хойшлуулаад байсан билээ. Тэгвэл өчигдрийн Зөвлөлийн хурлаас Ардын хувьсгалын 92 жилийн ой , Их Монгол улс байгуулагдсаны 807 жилийн ой, Баян-Өлгийаймаг байгуулагдсаны 73 жилийн ойн баяр наадмыг 9 дүгээр сарын 7-8 –ны өдрүүдэд зохион байгуулахаар төлөвлөөд байна. 
Аймгийн Засаг даргын Зөвлөлийн хурлаас Улсын баяр наадмыг тэмдэглэн өнгөрүүлэх тухай асуудлыг аймгийн Онцгой комиссын хуралд оруулж, Онцгой комиссоос гаргасан шийдвэрийг аймгийн ИТХ-д өргөн барих нь зөв гэж үзлээ. 

Өлгийд харъяатын асуудал шийдлээ

Төрийн тэргүүн 75 жилийн дараа ирлээ 
Монгол Улсын Ерөнхийлөгчийн сонгуульд Ардчилсан намаас нэр дэвшигч Ц.Элбэгдорж зургадугаар сарын 6-ны өдөр Баян-Өлгий аймагт сурталчилгааны ажлаа хийлээ. Тэрбээр эхлээд тус аймгийн Дэлүүн сумын сонгогчидтой уулзалт хийсэн юм. Төрийн тэргүүн тус суманд 1938 оноос хойш биечлэн ирж байгаагүй бөгөөд 75 жилийн дараа ийнхүү хүрэлцэн ирсэнд нутгийн зон олон ихэд бэлэгшээж байсан юм. Дэлүүн суманд Ерөнхийлөгчтэй уулзахаар Толбо, Булган сумын төлөөлөл мөн ирсэн байлаа. Казах заншлаар өндөр настай ээжүүд хүндэтгэлийн идээ болох Шашу цацаж, сумын Ардчилсан намын гишүүд туг далбаагаа намируулан нэр дэвшигчийг онгоцны буудалд угтав.
Мөн Ерөнхийлөгчийн сонгуульд торойтол ялан гарч ирэхийг бэлгэдэж аймаг, сумын наадамд хэдэнтээ түрүүлсэн хурдан хээр морийг уяач н.Мурбей нэр дэвшигч Ц.Элбэгдоржид бэлэглэсэн юм. Нийт 7000 хүн амтай Дэлүүн сумынхан Монгол Улсын Ерөнхийлөгчийн 2009 оны сонгуульд Ц.Элбэгдоржийг 56,1 хувиар дэмжсэнээ энэ удаа ч бататгана хэмээж байлаа.
695 иргэний харьяатыг сэргээжээ
            Казах түмний хувьд хамгийн тулгамдсан сэдвийн нэг нь иргэний харьяатын асуудал байдаг. Зарим хүн тэтгэмжийг нь авч хүртэхийн тулд орон нутагтаа малаа маллан амьдарч байгаа хүнийг Казахстан руу шилжсэн мэтээр хуурамч бичиг баримт үйлдэн Монгол Улсын харьяатаас нь гаргачихсан байдаг байна. Үүнийг хэзээ хойно мэдсэн иргэн аль ч улсын харьяат бус, аль эсвэл Монголдоо байгаа атлаа Казахстаны иргэн болчихсон байдаг аж.
Ямартай ч Монгол Улсын Ерөнхийлөгч өнгөрсөн гуравдугаар сард болсон Наурызын баяраас хойш 908 иргэний харьяатын асуудлыг авч үзэн 695 иргэний Монгол Улсын харьяатыг сэргээж, зургадугаар сарын 10-ны өдөр 213 иргэний иргэншлийг сэргээх зарлигт гарын үсэсг зурахаар болсноо мэдэгдэв. Харин Ногооннуур сумын иргэн ээж, хүү хоёрын харьяатын асуудал бага зэрэг бэрхшээлтэй байгаа гэсэн юм. Харьяатын асуудлыг ийнхүү хурдан шийдэж өгч байгаад казах иргэд ихээхэн талархалтай байв.
Мөн энэ зургадугаар сард багтаан Баян-Өлгий аймаг, Казахстаны Устьмингурскийн хооронд үйлдэж байсан агаарын нислэгийг сэргээхээр болсноо мэдэгдсэнийг иргэд талархан хүлээж авав.
Ээжүүдэд хүүхдээ хоёр нас хүртэл нь цалинтай асрах тэтгэмж олгох, өөрийнхөө болон хөрш, айл саахалтынхаа таваас дээш хүүхдийг гэрээрээ харж асрах ээжүүдэд тэдгээр хүүхдийн цэцэрлэгт хүмүүжих хувьсах зардал болох 116500 төгрөгийг цалин болгон өгөх зэрэг арга хэмжээ авах гэж байгааг иргэд алга ташин хүлээж авсан юм. Үр хүүхдээр өнөр өтгөн казахчуудад хамгийн сайхан мэдээний нэг энэ байлаа.
Өлгийчүүд халуун дотноор угтав
            Нэр дэвшигч Ц.Элбэгдорж мөн өдрөө Баян-Өлгий аймгийн төв Өлгий хотноо ажилласан юм. Түүнийг дэмжиж УИХ-ын дэд дарга Р.Гончигдорж, УИХ-ын Төрийн байгуулалтын байгын хорооны дарга А.Бакей, УИХ-ын гишүүн Ж.Батзандан, Ерөнхийлөгчийн зөвлөх Р.Болд, Барилга, хот байгулалт, зам тээврийн дэд сайд Х.Ержан нар ажиллалаа. Тус аймагт орон нутгийн сонгуулиар Ардчилсан нам ялалт байгуулжээ. Аймгийн шинэ удирдлага болох Засаг дарга Х.Дармен, ИТХ-ын дарга Б.Лазатхан нар богино хугацаанд сайн ажиллаж, иргэд нь ч ам сайтай байлаа. Баян-Өлгий аймгийн олон сумын Ардчилсан намын гишүүдийн төлөөлөл аймгийн төвийн онгоцны буудлаас Өлгий хотын төв хүртэл эгнэн жагсч, мөн хотын төв талбайд иргэд хэдэн эгнээ болон жагсч нэр дэвшигч Ц.Элбэгдоржийг маш халуун дотно, хүндэтгэлтэйгээр угтсан юм. Тэд “Ц.Элбэгдоржийг дэмжье”, “Амжилт хүсье”, “Та ялна аа”, “Танд дахин боломж өгье” гэсэн үгсийг цуурайтуулж байлаа.
 
Өлгийн цэргийн хүрээний дайчид жагсч, ээжүүд илдээний дээж “шашу” өргөж, өндөр настан аксакалууд “Бата” ерөөл айлтгаж нэр дэвшигчийг гүнээ хүндэтгэж буйгаа илэрхийлцгээв. Мөн казах хээ хуартай нөмрөг, мөнгөн эмээл хазаартай хурдан саарал морийг Өлгийн Ардчилсан намын гишүүд нэр дэвшигч Ц.Элбэгдоржид бэлэглэж амжилт ерөөлөө.
 
 
Аймгийн төвд болсон иргэдийн уулзалт дээр хаяа залгаа Ховд аймгийн Цаст Алтайн хүүгээ Ерөнхийлөгчийн сонгуульд дэмжинэ гэдгээ иргэд илэрхийлж урмын үгийг харамгүй хайрласан юм. Мөн Казахстаны иргэн болсон зарим хүн Монгол Улсын иргэний харьяаллаа сэргээлгэхээр Ерөнхийлөгчийн хувьд Ц.Элбэгдоржид өргөдөл, хүсэлт гардуулж байв. Сүүлийн олон хоног тэнгэр хангай тавгүйрхсэн ч нэр дэвшигч Ц.Элбэгдоржийг ирсэн өдөр нар гийж, налгар зуны өдөр айлчилсанд казах зоны төлөөлөл ихэд бэлэгшээж байлаа.
Баян-Өлгийн чадалтай боловсон хүчнүүдийг Ерөнхийлөгч Ц.Элбэгдорж дэмждэгт тэд талархаж байв. Элчин сайд К.Саираан, Ерөнхийлөгчийн Тамгын газрын дарга П.Цагаан, Ерөнхийлөгчийн зөвлөх Т.Султан нарыг тэд нэрлэсэн юм.
Сөрөг талын зүгээс “Ц.Элбэгдорж казах дээл өмсдөггүй, казах хүнд дургүй, каз, ямааны мах иддэггүй” гэх зэрэг цуурхал тараажээ. Үүнийг няцааж тэрээр “Би Монгол Улсынхаа үндэстэн, ястан бүрийг ижил тэгш анхаардаг. Надад арван казах дээл бий. Түүнийг хүүхдүүд маань тоглолт хийхдээ өмсчихсөн гүйж явдаг. Каз аваад ирвэл би иднэ. Би казах залуугийн урлаж бэлэглэсэн гутлыг өмсч яваа” хэмээн хэлж сэтгэлээ цайруулцгаалаа.
Өлгийн тэнгэр хангай, хүн зон түүнийг маш сайхнаар ивээн хүлээж авсан юм.
“Хүргэнээ 100 хувь дэмжинэ”
            Мөн өдрийн орой нэр дэвшигч Ц.Элбэгдорж Увс аймгийн төв Улаангомд хүрэлцэн ирэв. УИХ-ын дэд дарга Р.Гончигдорж, УИХ-ын гишүүн, Эрчим хүчний сайд М.Сономпил, сумогийн 68 дахь их аварга Д.Дагвадорж нар түүнийг дагалдан ажиллалаа. Мөн Монгол Улсын арслан Б.Ганбат, улсын зан Д.Бумбаяр тэргүүтэй Увс нутгийн хүчит бөхчүүдийн төлөөлөл дэмжихээ илэрхийлэн ирсэн байв.
Улаангом цэргийн хүрээний хүндэт харуул жагсч, Ю.Цэдэнбалын хөшөөнд цэцэг өргөснөөр сурталчилгааны ажил эхлэв. Увсад орон нутгийн сонгуулиар Ардчилсан нам ялж, мөн л урам зоригтойгоор Ерөнхийлөгчийн сонгуулийн ажилдаа оржээ.


Удахгүй Дулааны шинэ цахилгаан станц ашиглалтад орох гэж байгаа, хэтийн төлөвтөө төмөр замтай болох зэрэг олон бүтээлч ажил ундрах гэж байгаад иргэдийн урам сэргэсэн байв.
Ц.Элбэгдорж нутаг залгаа Ховдын унаган хүү төдийгүй түүний гэргий Х.Болормаа Увсын Өндөрхангайн уугуул юм. Тэргүүн хатагтай энэ удаа уугуул нутагтаа ирсэн юм. “Хадам сайтын хүргэн хүчтэй” хэмээн Увс нутгийнхан бэлгэшээж, ийм лут улстөрчийг дэмжиж тулж ирсэн нутгийн охиноороо бахархаж байлаа. Тиймдээ ч хүргэн хүүдээ 100 хувийн санал өгнө гэдгээ илэрхийлсэн юм. Иргэдтэй хийсэн уулзалт халуун дулаан уур амьсгалд болж, хүргэн хүүгээ алд цэнхэр хадаг, мөнгөн аягатай сүү, нутгийн охин тэргүүн хатагтайг тэвэр дүүрэн цэцгээр увсчууд мялааж амжилт ерөөлөө.
Өнөөдөр нэр дэвшигч Ц.Элбэгдорж Завхан аймгийн Тосонцэнгэл сум, Хөвсгөл аймагт ажиллах юм.

Булган сумын шилдэг төгсөгчид

2013 оны хичээлийн жилийн Баян-Өлгий аймгийн шилдэг төгсөгчдөд баяр хүргэх хүндэтгэлийн ёслолын үйл ажиллагаанд Булган сумаас төгсөх курсын оюутнуудын дундаас Монгол Улсын Их Сургуулийн  оюутан А.Хуандык, Их Засаг Их Сургуулийн оюутан Төрежан нарыг 2013 оны "Шилдэг төгсөгч"-өөр шагнажээ.





Windows 7 Genuine Remover

Хэрэв таны компьютерийн дэлгэц /background/ харлах, taskbar цэсэнд Activate windows гэсэн алдаа гараад байвал энэхүү програмыг ашиглан genuine-г устгаж болно.

Заавар: Татаж авсан файлаа задлаад ажиллуулаарай.

Өөрийн компьютерийн төрөлийг сонгож өгөөд Install товч дараад сууж дууссаны дараа компьютераа Restart хийгээл болоо.


Татах - [ Gogo share Mediafire ]

 
back to top